[各界支援扎鐵工潮陣線發出]
今天早上六時，罷工糾察隊分頭到各地盤呼籲開工工友罷工
，但因為連日來罷工工友的情緒相當高漲，故今天出現比較
多的衝突場面；其中有三個地盤，因有罷工糾察要攔阻運載
工友入地盤開工的旅遊巴，出現與警方對恃的場面。由於上
星期六與商會談判破裂，罷工工友的情緒愈趨激烈，將來，
這樣的場面或會日漸增多。
今天，是第一日將罷工集會總部由天光道移到楊屋道如心廣
場旁，未來的罷工集會地點相信亦會設在這裡。另一邊箱，
約上午十一時，「各界支援紮鐵工潮陣線」亦到長實集團總
部抗議，並送上一條豬腸和豬肚給長實，諷刺財團壟斷，工
人無啖好食。約下午一時半，陣線的部分成員回到罷工集會
現場，向工友匯報行動情況和為他們打氣。同時，陣線亦向
工友宣佈，由於星期一中大的籌款理想，因此，將會發動巡
迴全港大專院校為鬥爭基金籌款。
另，港大學生會率先響應有關行動，由明天開始，將會連續
一星期於午飯時間為鬥爭基金籌款。而星期四，則會是理工
或浸會進行籌款行動，詳情將於明天的工潮快訊公佈。
明天罷工的集會總部仍會設於楊屋道，除了繼續派出罷工糾
察到各地盤呼籲罷工外，罷工工友亦會於下午三時半前往房
屋署何文田總部抗議。因為房屋署是本港最大的發展商之一
，旗下地盤眾多，故要求她向紮鐵商會和建造商會施壓，回
應工人訴求，並切實執行監管的工作。
【每日工潮快訊】：第28天(9月4日)
紥鐵標新歌–[最後的勝利]
(國語)
6 6 1 7 2 1 7 1 6
甚 麼 時 候 開 始 了 罷 工
3 3 4 3 2 2 1 1 7 6
甚 麼 時 候 工 人 們 站 起 來
[...]
我不是為了自己，是為了我中國藉的朋友
關於尼泊爾藉罷工朋友──貝仔(limbu)的心意：
我不是為了自己，是為了我中國藉的朋友
親愛的貝仔告訴我，
他出來是為了其他中國藉的工友，
不是為了自己：「而家少左尼泊爾的朋友出來罷工，但我仍然出來，我日日早上6:00就來到如心廣場的地盤，同其他人一起呼籲扎鐵佬罷工，我不是為了自己，是為了我中國藉的朋友，我們一起工作，都是朋友嘛。我香港出生，五歲返左尼泊爾，二十幾歲返來做扎鐵，今年36歲，有兩個女，好慘，年紀大返來，唔係好識講廣東話，不過做左扎鐵，都識多左廣東話……」
我見到佢一來就有一個中國藉工友同佢招呼，大家請下煙咁。又有個中國藉既工友都細細聲同我話：「d尼仔好慘，年青力壯，但人工又比我地低好多……」跟住工友就用廣東話+手勢同貝仔傾計，貝仔就好努力用廣東話一齊傾，本來我用英文同佢傾計，跟住我都盡量用廣東話一齊傾羅，我同佢講我5歲黎香港，而家30歲，佢羨慕又無奈。
我話大家都好多時忽略了不同種族的朋友的故事和權利，原本打算同貝仔做個訪問，我話佢知，我寫字能力差，所以想拍video……但原來我地兩個都唔習慣用video……咁既情況，就短短地講住先……如果大家去到罷工的如心廣場，6:00a.m-4:00p.m.見到一個成日著黑衫，笑容好親切，成日係度既尼泊爾朋友，佢應該係limbu，貝仔 (不過可能有時都可能會去左其他地盤)。
彩鳳 罷工第二十九日 9.5
工友詩 手寫真蹟
請去影行者的flickr啦
http://www.flickr.com/photos/12616153@N08/?saved=1
紥鐵冼祥新作
紥鐵工人，付出最大
勞力，仍難維持生計。
血肉築成新廣廈
汗水要將鐵熔化
雙肩能負千鈞重
最難維持四口家
紥鐵冼祥
同根社支持扎鐵工劇本
同根社的婦女為了支持扎鐵工友，於2007年8月29日扎鐵工潮第二十二日，到天光道罷工地盤外，不單拉橫額來打氣，更”度”左一個街頭劇，做比工友睇，而且細心地呼籲罷工的扎鐵佬：「如果你家人，你老婆係你罷工期間，情緒低落或不理解等等，需要搵人傾訴，請佢地可打黎搵我地：3113 6573。」
劇名：
香港回歸歌舞昇平
工人回歸手停口停
角色：兩位普通市民
名叫：林清風、工人妻子李明月
清風：今天放假好開心，約朋友去睇回歸節目，飛龍在天。 (著回歸衫、戴回歸帽)
明月：好煩惱！(盤算著去街市買菜)
風、月相踫，互相問候。
風：啱見你自言自語係唔係鬧人呀？
月：唔係呀！只是計下呢個月開支啫，手上只得幾百蚊，唔知呢個月點算好，而家好閉翳囉！
風：點解咁呀！你老公做扎鐵有千二蚊一日，一個月有萬幾蚊啦，好過我好多啦！
月：你聽人講啫，真實情況你唔知。回歸前，我老公既師傅同前輩就好搵，成日有工開，每個月二萬既蚊，個個做得好開心架。我老公做學師既時候，收入比而家仲要多啦。你睇下，而家香港高樓林立，建設廣廈千萬間，呢d成績都有賴過去一班扎鐵工人辛勤勞動既成果，但係而家d扎鐵工人手停口停，一個月時間有大半個月無工開，仲有判頭層層剝削，工人手上每日只得500-600蚊，一個月工資只得6千至7千蚊，一頭家要開支，真係餐搵餐食餐餐清架！
風：聽你咁講，又真係幾閉翳架！怪唔得有扎鐵工人要罷工啦，好似已經有二十日有多，仲未有著落。
月：係呀！我老公都有去罷工呀！
風：咁你呢個月無收入點算呀！
月：用完呢幾百蚊再算啦！仲有小朋友返學d書都未買添。
風：咩話？你有無反對老公去罷工架？
月：無呀！我支持佢，叫佢堅持到底，爭取到合理工資為止，無錢就一家人一齊捱囉。
風：呀月，你真係好偉大呀！我都要向你好好學習。我聽講，今年經濟復甦，香港回歸十周年，到處歌舞昇平，曾特首上京匯報20年來香港經濟最好，財務話庫房剩餘幾百億，公務員都加人工喇，大公司職員都有加人工，各行各業形勢大好咁，原來有錢人就越來越富，窮人就越來越窮。
月：傻喇！政府無能，做縮頭烏龜，隔岸觀火，唔敢得罪班大財團和地產商，年年都是得幾個奸商和工會談判，就年年得個吉，今年我地班工人頭腦清醒喇，再不接受佢地大佬式的談判，我地要爭取合理工資合理工時。我地班扎鐵工人，無工傷賠、無強積金，有事發生就自己食自己，你話呢個社會是否公平呀？
風：咁又係呀！03年沙士、金融風暴既時候，我地人人減人工同政府共渡時艱，今日經濟復甦，工人無得受惠，我都覺得工人罷工有理。好！我唔去睇飛龍在天，不如同你一齊去地盤支持班紥鐵工人啦。
月：我未買菜，仲要煮飯。
風：今日我地全家一齊罷工，全力支持紥鐵工人。
風、月：好。（除回歸衫、帽，抓起紅絲帶及戴上工人遊行帽一齊叫口號）
罷工有理，支持紥鐵工人爭取合理權益
呼籲各工友太太勇敢企出來支持自己丈夫
同根社婦女與你地同行
**********************
同‧根‧社
同根同心 婦女自強
同根社是一個新來港婦女的自助組織。成立宗旨是「倡導政府政策，協助新來港婦女解決困難。
服務對象：來港未滿七年婦女
會內活動：
1. 認識香港文化座談會
2. 協助新來港婦女解決困難 (如居住問題、子女教育問題、經濟問題、為會員子女提供免費英文補習)
3. 每月例會
4. 會費：每年十元
辦公時間：
逢星期一至五
上午9時至12時
下午2時至5時
會址：九龍旺角塘尾道 54-58 號永利工業大廈1204室
電話：3113 6573
紥鐵佬工潮第二十五天–紥鐵佬四眼明
吝嗇老板多計較
叫佢俾錢算死草
當日賺錢佢唔計
今日詐死話蝕本
談判結果絕不妥
最嬲相距佢係多
工人已經退大步
五蚊拾蚊想迫我
工人談判無結果
皆因吝嗇傾唔妥
只顧出錢針挑刺
不顧賺錢水推沙
工友團結怕什麼
佢有銅城我有梯
不怕奸商無誠意
打倒奸商出奇招
奸商詭詐真係多
搞到政府唔奈何
皆因奸狗養得耐
十年情怠好難劏
我因文化唔係多
只有天天唱山歌
呼籲工人要堅定
繼續罷工抗奸商
談判當我工人唆
唔識文字唔識數
工人得知結果後
抗議奸商不分享
工人繼續向前沖
不來妥栛不返工
同個奸商撐到底
一定九佰才成功
工潮第二十五天‧紥鐵佬
奸商狡詐真可耻
當我工人係乞衣
十蚊廿蚊來施捨
江山易改性難移
吝嗇老板有個樣
買隻咸蛋都要講
一分一毫計到盡
一在食飯要你請
當我工人係白痴
三歲細佬都識理
不嬲八點五點半
數字遊戲收六點
工時不嬲八個鐘
鑽窿鑽隙石狗公
工作時間莫狡辯
早啲搞掂早開工
奸商無意來談判
成日抓住一碌棍
當我工人係隻狗
當街當巷係咁毆
攻心計惑算工人
工人憤怒心更堅
工人拿着照妖鏡
一照妖魔就顯身
奸商肥到變猪頭
蚊仔吸血話唔好
工人攞番小小利
有事相求百事無
人生覺得無幾何
最緊娶到好老婆
奸商有錢又如何
過街過巷都要防
工人團結不分心
人上下一條心
勇往直前不後退
目標一致無分化
我們一定會成功
我們罷工不怕死
歲月伴我過工潮
兄弟同心嘻哈笑
同舟共濟向前沖
堅定工時八個鐘
工人工資九佰伍
不怕奸商再狡詐
共同目的去爭取
我們共有向前沖
團結必然會成功
大家發出信息去
不達目的唔返工
對付奸商不手軟
繁榮背後有血汗
工人成果要分享
爭取減時加人工
絕對不可向後退
生死關頭顯威風
沖鋒陷陣向前進
殺到奸商喊陰公
不怕敗類去返工
真是人渣乞人憎
敗壞紥鐵的聲譽
公賊難有好下場
工人團結來罷工
爭取福利不落空
繼續努力撐到底
奸商妥協就返工
紥鐵佬‧工潮第二十二日
致紮鐵工人–曹疏影
今天讓我們重新學習肉體
通過你們的手臂，剛剛離開鋼筋和鐵柱
進入此般空氣的骨和肉
不錯，空氣是飄忽的，它在而不在，它營運着光
而你們是在黑暗深處扭聚成固體的——人？
不，生命——當那骨、肉接觸光，當光被擠壓
深入更暗處的血。
我們的血，亦是在，而不在，當世界遭折疊
樹林宛如手語，湖泊被囤積，河流被截斷如舌
而海洋被填充，填充，填充如膽固醇過高的心臟
我們的紅色與藍色，被靜悄悄貼在閃電和滾雷背後
那麼讓我們背部的所有汗腺重新習肉體
它們被支開到宇宙的最外層，那裏大氣薄脆，但讓它們貼緊
讓目光向前，如滾雷，看烏雲淬出暴雨，看那緊貼大地
向外凸起的山脈，那礦層緘默，呼之欲出
然後是鐵，鐵中黧黑的漩渦。
