〈罷工第三十二日：我媽媽吊頸〉

他是扎鐵佬。

 

罷工第三十四日，他說他有些事情想放上網。

 

「前兩日我阿媽係屋企上吊。」他輕聲地說，很平靜。

 

「她有糖尿病，又有其他病，每個月要一千多元的醫藥費，她的醫藥費是我們兄弟姊妹負責的，媽媽跟我兩個未結婚的妹妹住，要她們照顧媽媽……媽媽可能不想大家負擔所以上吊……」

 

他媽媽曾經講過：「如果我死左，唔好攪咁多野晒錢呀！」

 

「一個月罷工都無陪過三個讀中學既女兒，同佢地坐緊船去第二度，唔能夠立即返到屋企，亦唔能夠立刻飛返屋企，又唔能夠立即話比d女知婆婆過身既事……以為返去仲可以見到佢最後一面，原來當時警察已經係屋企……佢條脷伸晒出黎……」

 

他說他收到屋企電話時，真是眼淚在心裡流。

 

「我係怕其他工友再咁拖落去，好多家庭都會有問題，你知好多屋企經濟唔好既話，可能都會有問題…」

 

他說他本來都想告訴所有工友，分享大家多天來都可能面對到的家庭和經濟壓力，可能會有一些共鳴，但又怕記者拍到會……難為了他的家人，而且媽媽過身還來罷工，如果再在電視中出現，其他家人會很難受。

 

他說要多謝天下父母的苦心。

 

我說你打工為子女一頭家也苦心。

 

「唔緊要，放心，硬淨嘛，一定撐落去。」他說。

 

原本他告訴我要去攪身後事要走了……回頭又見到他仍在，他說要等其他扎鐵佬都上車去中環才走，他怕他突然這樣走開，其他工友見到可能會想走，就會少左人去勞工署等談判結果。

 

罷工第三十二日，他媽媽吊頸。

 

他想問：「繁榮背後到底是什麼？如果真的是繁榮，根本不會發生這樣的事情。」

 

罷工第三十四日，仍是非正式談判。

 

(彩鳳：對不起！因為聽到他的說話時，我也呆了，又一邊忙著撫摸他因工作勞損而變得更粗壯的肩膀，之後幾百個扎鐵佬趕著上旅遊巴去中環勞工署，他又趕著去攪身後事……未能再談……暫時只能告訴大家這些……)